भीरकोटले ५०% अनुदानमा बीउ/बिरूवा वितरण गर्ने
असोज १०, २०७८
आश्विन १०, भीरकोट खबर डेस्क,
भीरकोट नगरपालिकाले नगरपालिका भित्रका किसानहरूलाई ५० प्रतिशत अनुदानमा गहुँ, आलु तथा विभिन्न जातका हिउँदे फलफूलका बीउ बिजन तथा बिरूवाहरू वितरण गर्ने भएको छ ।आर्थिक वर्ष २०७८/७९ को स्वीकृत वार्षिक कार्यक्रम अन्तर्गत अनुदानमा बीउ बिजन तथा बिरुवा वितरण गर्न लागेको हो । अनुदानमा बीउ बिजन प्राप्त गर्न चाहने कृषकहरूले सम्बन्धित वडा कार्यालयमा यहि असोज २५ गते अगावै सम्पर्क गर्नुपर्नेछ । अनुदानमा उन्नत जातका गहुँ, आलुको बिउ र नास्पती, आरू, आरूबखडा, लप्सी, किवी र हलुवावेदको बिरुवा प्राप्त गर्न सकिने जनाएको छ । थप जानकारीको लागि नगरपालिका तथा वडा कार्यालयमा सम्पर्क गर्न सकिनेछ।नगरपालिकाले गत वर्ष पनि अनुदानमा बीउ बिजन तथा बिरुवा वितरण गरेको थियो । कृषिलाई व्यवसायीक रूपमा विकास गर्न नगरले सक्दो प्रयास गरिरहेको छ।
