विरुवा स्वास्थ्य चौकीको नवनिर्मित भवनको उद्घाटन
फागुन १२, २०७८
स्मार्ट अखबार संवाददाता
१२ फागुन २०७८
विरुवा गाउँपालिका वडा नं. १, कटहरे स्थित विरुवा स्वास्थ्य चौकीको नवनिर्मित भवनको उद्घाटन कार्यक्रम सम्पन्न भएको छ । एक कार्यक्रमका बिच गाउँपालिकाका अध्यक्ष चुन प्रसाद शर्माले रिवन काटेर शिलालेख अनावरण गरि उद्घाटन गर्नुभएको हो । सोही कार्यक्रममै विरुवा स्वास्थ्य चौकीमा एक्सरे सेवाको समेत उद्घाटन गरिएको छ । विरुवा गाउँपालिका वडा नं १ वडा अध्यक्ष एवं विरुवा स्वास्थ्य चौकी संचालक समितिका अध्यक्ष युवराज के.सी. ज्यूको अध्यक्षतामा सम्पन्न उक्त कार्यक्रममा गाउँपालिका उपाध्यक्ष देवी कुमारी थापा , विभिन्न राजनैतिक दलका प्रतिनिधिहरु, स्थानिय आमा समुहका सदस्यहरु, जनसमुदाय लगायत अन्य संस्थाका प्रतिनिधिहरुको उपस्थिति रहेको थियो ।
कार्यक्रममा उपाध्यक्ष देवी कुमारी थापा, नि. प्रमुख प्रशासकीय अधिकृत गोगन सिंह थापा, विरुवा गाउँपालिका सामाजिक विकास समिति अध्यक्ष तथा वडा नं ५ का वडा अध्यक्ष इन्द्र प्रसाद पौडेल , नेपाली कांग्रेस विरुवा गाउँ कमीटी अध्यक्ष डोल राज पोख्रेल, नेकपा एमाले गाउँ कमिटी प्रतिनिधी श्री सुर्य कुवँर, माओवादी केन्द्रको तर्फबाट पहल सिंह वि.क. लगायतले आ-आफ्नो मन्तब्य राख्दै नव निर्मित भवनबाट सेवा प्रदान गर्दा सेवाको गुणस्तरमा वृद्धि भई पालिकाबासी जनताहरुको स्वास्थ्य स्थितिमा उल्लेख्य सुधार हुने अपेक्षा राख्नुभएको थियो। सोही कार्यक्रममा भवन निर्माण गर्नको लागि आवश्यक पर्ने जग्गा उपलब्ध गराउनुहुने दानविरहरुलाई समेत सम्मान गरिएको थियो । सम्मानीत हुनुहुने जग्गा दानविरहरुमाः तुल बहादुर खड्का, हेम बहादुर खड्का र नुरधोज खड्का हुनुहुन्थ्यो । स्वास्थ्य चौकीमा कार्यरत स्वास्थ्य चौकी प्रमुख सि.अ.हे.व. इन्द्र प्रसाद पौडेलले स्वास्थ्य चौकीको सेवा प्रवाहको विषयमा हालसम्मको अवस्थाको प्रतिवेदन प्रस्तुत गर्नुभएको थियो । कार्यक्रमको संचालन विरुवा गाउँपालिका प्रशासन शाखा प्रमुख श्री श्रीराम वाग्लेले गर्नुभएको थियो ।
