कालिका मा.वि. द्वारा व्यवसायिक आलु खेती
मङि्सर ०७, २०८०
![](https://smartakhabar.com/wp-content/uploads/2023/11/IMG-20231123-WA0045-1024x576.jpg)
स्मार्ट संवाददाता, स्याङ्जा
२०८० मंसिर ७, बिहीवार
स्याङ्जाको प्रतिष्ठित विद्यालय कालिका माध्यमिक विद्यालयले ७ रोपनी जग्गामा व्यवसायिक आलु खेती गरेको छ। पुतलीबजार नगरपालिका वडा नं १३ मा अवस्थित विद्यालयले ७ रोपनी जमिन १० वर्षको लागि भाडामा लिएर व्यवसायिक आलु खेती सुरु गरेको हो।
![](https://smartakhabar.com/wp-content/uploads/2023/06/ad-janahit.jpg)
विद्यालय व्यवस्थापन समितिका अध्यक्ष मीन प्रसाद कोइरालाले विद्यार्थीलाई उत्पादनसँग जोड्ने शिक्षा प्रदान गर्न र प्रयोगात्मक अभ्यासका लागि उक्त जमिन भाडामा लिएर व्यवसायिक खेती सुरू गरिएको बताए। उनले विद्यार्थी र शिक्षकहरुलाई विद्यालयमा संचालित अतिरिक्त कृयाकलाप कार्यक्रम अन्तर्गत उत्पादन कार्य संचालन गर्न लागेको हुँदा यसबाट विद्यालयलाई अतिरिक्त आर्थिक लाभ हुने र यसले विद्यार्थी , अभिभावक र सबै सरोकारवालाहरुलाइ फाइदा हुने बताए।
![](https://smartakhabar.com/wp-content/uploads/2023/06/smart-link_sano.gif)