आँधीखोलामा तेस्रो अध्यक्ष कप रनिङ शिल्ड सम्पन्नः एकता युवा क्लब प्रथम
चैत १४, २०७८
युवराज पौडेल, चैत्र १२, २०७८
स्याङ्जाको आँधीखोला गाउँपालिकाद्वारा आयोजित तेस्रो अध्यक्ष कप रनिङ शिल्ड तथा विविध सांस्कृतिक कार्यक्रम २०७८ आज शनिबार सम्पन्न भएको छ ।
चैत १० देखि सञ्चालन भएको प्रतियोगिता शनिबार गण्डकी प्रदेश सभा सदस्य माननीय मीन प्रसाद गुरुङको प्रमुख आतिथ्यमा समापन गरिएको छ । कार्यक्रमको उद्घाटन संघीय सांसद नारायण प्रसाद मरासीनीबाट भएको थियो ।
प्रतियोगितामा भलिबलतर्फ एकता युवा क्लब विजेता भएको छ भने द्वितीय मडुवा युवा क्लब, तृतीय द ग्रेट दिल र सान्त्वना प्रगतीशील युवा क्लब भएको छ ।
रत्यौली गीत प्रतियोगितामा गाउँसुधार आमा समूह प्रथम, प्रगतीशिल आमा समूह द्वितीय, जन उद्दार आमा समूह तृतीय र ज्योति आमा समूह सान्त्वना भएका छन् ।
त्यस्तै विद्यालय स्तरीय नृत्य प्रतियोगितामा भगवती मावि प्रथम, त्रि-शहिद मा वि द्वितीय र जन प्रदीप मा वि तृतीय भएको गाउँपालिकाका सूचना प्रविधि अधिकृत रोसन लामिछानेले जानकारी दिनुभएको छ ।
