स्याङ्जामा चोरी गरी फरार रहेका व्यक्ति पर्सामा पक्राउ
भदौ १७, २०८१ 
स्मार्ट संवाददाता
स्मार्ट संवाददाता 
स्याङ्जाको हरिनास गाउँपालिका -२ पुछौदीमा संचालनमा रहेको होमिक्स फर्निचर उद्योगबाट सामान चोरी गरी फरार रहेका भारतीय व्यक्तिलाई पर्सामा पक्राउ गरिएको छ । पक्राउ पर्नेमा भारत बिहार राज्य बेतियाग्राम पंन्चायत ईनर्वा -५ बस्ने ३० वर्षीय मनोज कुमार महतो रहेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिनुभयो ।
महतो बालकृष्ण सिग्देलले संचालन गरेको होमिक्स समिल फर्निचर उद्योगमा काम गर्दै आएका थिए ।डिएसपी रानाका अनुसार महतोले शुक्रबार राती उक्त फर्निचर उद्योगमा रहेको जेनरेटर, कम्प्रेसर मेसिन, खराद मेसिन, रन्दा कटर साईजर मेसिन डाईनामो, नट बोल्ट खोल्ने रिन्चिहरू समेत चोरी फरार भएका थिए ।
फरार भएका महतोलाई शनिबार प्रहरीले पर्सा बिरगंज महानगरपालिका -१६ बिरगंज बसपार्क हाताभित्रबाट पक्राउ गरेको र सामानहरु समेत बरामद गरिएको डिएसपी रानाले बताउनुभयो ।पक्राउ परेका महतोलाई चोरी तथा डाँका सम्बन्धी कसूर मुद्धा दर्ता गरी सोमबार स्याङ्जा अदालतबाट म्याद थप लिएर आवश्यक अनुसन्धान कार्य अगाडि बढाइएको प्रहरी कार्यालयले जनाएको छ ।
