स्याङ्जा आँधिखाेला महाेत्सब सम्पन्न, ५७ हजार दर्शकले अवलाेकन
माघ ०३, २०८०
महोत्सव ५७ हजार दर्शकले प्रत्यक्ष अवलोकन गरेका र १५३ वटा व्यापारिक स्टलबाट करिब ३ करोड ८० लाख रुपैयाँ बराबरको आर्थिक कारोबार भएको अध्यक्ष रेग्मीले जानकारी दिए । अध्यक्ष रेग्मीले पारदर्शिता, जवाफदेहीता, विश्वसनीयता र सहभागिता चेम्बरको मूल मन्त्र भएकोले सोही अनुसार कार्य सम्पादन गरेको बताउँदै महोत्सवको यथार्थ विवरण र आय व्यय विवरण सिघ्र पत्रकार सम्मेलन मार्फत सार्वजनिक गरिने बताए । उनले सबैको सुझावलाई मनन् गर्दै आगामी महोत्सवमा कृषि उत्पादन र प्रविधि, घरेलु उत्पादन, विज्ञान प्रविधि, सूचना प्रविधि, ग्रामिण पर्यटन, पुरातात्विक महत्व, साहित्य र संस्कृतिको प्रवद्र्धन हुनेगरि संचालन गर्न सबैसँग समन्वय गर्ने प्रतिबद्धता व्यक्त गरेका छन् ।
महोत्सवमा भएको रत्यौली प्रतियोगितामा श्रवणटोल विकास संस्था पुतलीबजार १४ प्रथम, श्रृजना आमा समुह दोस्रो र जुग्ले आमा समुहले तेस्रो स्थान हासिल गरि नगदसहित पुरस्कृत भएका छन् । त्यसैगरी माइस्थान टोल विकास संस्था उत्कृष्ट बेहुला बेहुली र उत्कृष्ट नाचबाट पुरस्कृत भयो भने जैसीडाडा आमा समुहको उत्कृष्ट लुठो भई पुरस्कृत भएका छन् । बाजा प्रतियोगीतामा उखारी नौमती बाजा प्रथम र अरियाले नौमती बाजा समुह दोस्रो भएका छन् । महोत्सवमा संचालन भएको चेम्वर डान्स आइडलमा कन्चन शारुमगर प्रथम, सोफिया गुरुङ दोस्रो र दिप्सा गुरुङ तेस्रो भई नगद सहित पुरस्कृत भएका छन् । महोत्सवको उद्घाटनमा भएको झाँकी र्र्यालीमा नेपाल मगर संघ नगर कमिटी संयुक्त प्रथम, सक्षम आमा समुह द्धितिय र ब्रम्हाकुमारी इश्वरीय विश्वविद्यालयले तृतीय स्थान हात पारेका छन् ।
