स्याङ्जामा ६५ वर्षीय पुरुष मृत अवस्थामा फेला
मङि्सर ०६, २०८१ 
स्मार्ट संवाददाता
स्मार्ट संवाददाता 
स्याङ्जा जिल्लाको भीरकोट नगरपालिका वडा नं. २, डाँडाकोटस्थित गाउँको बाटो नजिकै ६५ वर्षीय तारा बहादुर बस्नेत मृत अवस्थामा फेला परेका छन्।
जिल्ला प्रहरी कार्यालय स्याङ्जाका अनुसार बिहीवार साँझ घर फर्कने क्रममा बस्नेत दुर्घटनामा परेका थिए। गोरेटो बाटोमा हिड्दै गर्दा बाटोबाट करिब ६ मिटर तल खस्दा उनको घटनास्थलमै मृत्यु भएको थियो। स्थानीयबाट प्राप्त सूचनाका आधारमा प्रहरी र अनुसन्धान टोली घटनास्थलमा पुगेको थियो।
घटनाको सम्बन्धमा थप अनुसन्धान भइरहेको जिल्ला प्रहरी कार्यालयका सूचना अधिकारी प्रहरी निरीक्षक उमेशलाल श्रेष्ठले जानकारी दिनुभयो।
