भीरकोट साना किसान सहकारीद्वारा बीमा सचेतना
भदौ २८, २०८१ 
स्मार्ट संवाददाता
स्मार्ट संवाददाता 
स्याङ्जाको भीरकोटमा साना किसान सहकारी संस्था लिमिटेडले कृषि तथा जीवन विमा सम्बन्धी सचेतना कार्यक्रम सम्पन्न गरेको छ। उक्त कार्यक्रममा १ सय २० जना किसानहरूको सहभागिता रहेको थियो। कार्यक्रममा कृषि बीमा र जीवन विमाका महत्व, लाभ, र आवेदन प्रक्रियाको जानकारी प्रदान गरिएको थियो।
सहकारी संस्थाका अध्यक्ष तुलसी प्रसाद अर्यालको अध्यक्षतामा सम्पन्न भएको कार्यक्रममा कृषि ज्ञान केन्द्र स्याङ्जाका प्रमुख विनोद हमाल , तुलसीभञ्जाङ सहकारीका अध्यक्ष शम्भु अर्याल, सानिमा बैंक स्याङ्जाका प्रवन्धक प्रेम महत, र कृषि ज्ञान केन्द्रका कृषि अधिकृत विकास वि.क. ले प्रशिक्षण दिनुभएको थियो।
कार्यक्रममा सहभागी किसानहरूले पशु तथा बाली बीमा कार्यक्रमको महत्त्वबारे प्रशिक्षण प्राप्त गरे। आगामी दिनहरूमा सहकारीले पशु र बाली बीमा कार्यक्रमलाई अझ व्यापक रूपमा सञ्चालन गर्ने योजना पनि रहेको छ। प्रशिक्षकहरूले किसानहरूको सुरक्षाका लागि बीमा महत्वपूर्ण रहेको र प्राकृतिक विपद् तथा जोखिमहरूको सामना गर्न बीमा अति आवश्यक रहेको बताउनुभएको थियो।
सचेतना कार्यक्रमले किसानहरूमा बीमाको महत्त्वबारे थप जानकारी दिन सफल भएको र यसले भविष्यमा कृषि तथा पशुपालन व्यवसायमा देखिने जोखिमलाई न्यूनीकरण गर्न मद्दत पुग्ने अपेक्षा गरिएको छ।
