जन्मदिनको अवसरमा विद्यालयमा मास्क वितरण
माघ २०, २०७८
२० माघ २०७८, भीरकोट
स्कुल अफ डेमोक्रेसी (SOD) भीरकोटका अध्यक्ष रूद्र ढुंगानाले दहथुम माध्यमिक विद्यालयमा मास्क वितरण गर्नुभएको छ। आफ्नो जन्मदिनको अवसरमा ढुंगानाले विद्यालयमा अध्ययनरत विद्यार्थीहरूको लागि २५ प्याकेट मास्क वितरण गर्नुभएको हो। कोभिड १९ को तेस्रो लहरलाई मध्यनजर गरेर विद्यार्थीहरुलाई मास्क वितरण गरिएको बताउँदै उहाँले विद्यार्थीहरूलाई नियमित रूपमा मास्क लगाउन, साबुन पानीले हात धुन र अध्ययनलाई जारी राख्न अनुरोध गर्नुभएको थियो। विद्यालयका प्रधानाध्यापक वेद प्रसाद अर्यालले ढुंगानाको जन्मदिन मनाउने तरिकाको प्रशंसा गर्दै विद्यालयको तर्फबाट जन्मदिनको शुभकामना र आशीर्वाद प्रदान गर्नुभएको थियो।
जिल्ला प्रशासन कार्यालय स्याङ्जाले कडाइ गरे सँगै भीरकोटका सामुदायिक तथा संस्थागत विद्यालयहरूमा आज देखि भौतिक उपस्थितिमा पठनपाठन बन्द भएको छ। नगरपालिकाले समेत एक सूचना प्रकाशन गरि माघ मसान्तसम्म भर्चुअल तथा वैकल्पिक माध्यमबाट सिकाइ सहजीकरण गर्न र भौतिक उपस्थितिमा पठनपाठन नगर्न निर्देशन दिएको छ।
