घटस्थापना कसरी गर्ने ?
![](https://smartakhabar.com/wp-content/uploads/2021/10/ghatasthapana_feature-1024x536.jpg)
आश्विन २१, भीरकोट खबर डेस्क,
![](https://smartakhabar.com/wp-content/uploads/2024/06/new-palika-jingle-rgb-1.jpg)
महान पर्व बडादशैंको उल्लास सुरु भइसकेको छ । यस वर्षको दशैं आज देखि सुरु हुँदैछ ।
![](https://smartakhabar.com/wp-content/uploads/2024/06/janahit_dengue-1.jpg)
हिन्दू धर्माबलम्बी आज देखि आफ्नो घरमा घटस्थापना गरी अखण्ड ज्योति स्थापना गरेर नौ दिनको उपवास राख्छन् । कलश स्थापना कसरी गर्नका लागि पूजास्थलमा माटोको वेदी बनाएर त्यसमा जौँ, गहुँ छर्नुहोस् । फेरि त्यसमा कलश राख्नुहोस् । त्यसमाथि दूर्गा भवानीको मूर्ति प्रतिष्ठा गर्नुहोस् । मूर्ति यदि माटो वा कागजको छ भने विचार पुर्याएर नबिग्रने गरी राख्नुहोस् वा कलशमा स्वस्तिकको चिह्न बनाएर दूर्गा भवानीको चित्र र शालीग्राम विराजमान गरेर भगवान विष्णुको पूजा गर्नुहोस् ।
![](https://smartakhabar.com/wp-content/uploads/2023/03/wlink_ad.gif)
दूर्गासम्पशतीको पाठ गर्नुहोस् । नवरात्रको आरम्भमा स्वस्तिक वाचन शान्तिपाठ गरेर संकल्प लिनुहोस् र प्रथम पुज्य भगवान श्रीगणेशको पूजा गरेर मातृका, लोकपाल, नवग्रह वा वरुणको विधिअनुसार पूजा गर्नुहोस् । उत्तर वा पूर्व दिशातिर फर्किएर पूजा गर्नुहोस् । यसपछि मुख्य मूर्तीको षोडशोपचार पूजा गर्नुहोस् । दुर्गा देवीको आराधना अनुष्ठानमा महाकाली, महालक्ष्मी र महासरस्वतीको पूजा तथा मार्कण्डेय पुराण अन्तर्गत श्री दुर्गा सप्तशतीको पाठ नौ दिनसम्म गर्नुहोस् । यी कुरामा विचार गर्नुहोस् कि यस क्रममा सम्भव भएसम्म अखण्ड दीप बाल्नुहोस् । यदि बत्ती घिउमा बाल्नुभएको छ भने त्यसलाई दुर्गाको मूर्तिको दाँयातर्फ राख्नुहोस् र यदि बत्ती तेलको बाल्नुभएको छ भने त्यसलाई मूर्तिको बाँयातर्फ राख्नुहोस् ।
( कुनै जिज्ञासा भएमा ज्यो. पं. यामनाथ रेग्मीः ९८४६७५८८२५ मा सम्पर्क गर्न सक्नुहुनेछ । )