गण्डकी प्रदेशमा थप ३ दिन सार्वजनिक बिदा
चैत १५, २०८०
१५ चैत्र २०८०, बिहिबार
गण्डकी प्रदेशमा आगामी वर्ष थप ३ दिन सार्वजनिक विदा हुने भएको छ। प्रदेश सरकारले २०८१ सालमा संघीय सरकारले दिएको बाहेक थप ३ दिन बिदा दिने निर्णय गरेको हो।
संघीय सरकारलेभन्दा प्रदेशले थप दिनका लागि बिदा दिने निर्णय चैत ९ गतेको मन्त्रिपरिषद बैठकले गरेको थियो। प्रदेश सरकारले बिदाको सूचना राजपत्रमा समेत प्रकाशन गरिसकेको छ ।
चैते दशैंका दिन वैशाख ४ गते, भानुजयन्तिका दिन असार २९ गते र कोजाग्रत पूर्णिमाका दिन कात्तिक १ गते बिदा दिने निर्णय भएको राजपत्रमा उल्लेख गरिएको छ ।
