स्याङ्जा क्षेत्र नं २ मा धनराज फराकिलो मतान्तर सहित निर्वाचित

मङि्सर १७, २०७९


स्मार्ट संवाददाता,
१६ मंसिर २०७९

बिज्ञापन
विज्ञापन

देशैभर चर्चामा रहेको स्याङ्जा क्षेत्र नं २ मा नेपाली काँग्रेसका उम्मेदवार धनराज गुरूङ फराकिलो मतान्तर सहित निर्वाचित भएका छ्न्। चापाकोटको बुथ क्यापचर काण्डका कारण १० दिन ढिलो मतगणना सुरू भएको यस क्षेत्रमा गुरूङले ५ हजार ६ सय २७ मतान्तरले एमालेकी उम्मेदवार पद्मा कुमारी अर्याललाई पराजित गरेका हुन्।

एमालेका उम्मेदवार पदमा कुमारी अर्यालले २५हजार ८ सय ३९ मत प्राप्त गरेकी छ्न् भने निकटम प्रतिद्वन्दी नेपाली काँग्रेसका उम्मेदवार धनराज गुरूङले ३१ हजार ४ सय ६६ मत प्राप्त गरेका छ्न्।राष्ट्रिय स्वतन्त्र पार्टीका टिकराज गुरूङ ८ हजार १ सय १३ मत सहित तेस्रो स्थानमा छ्न्। यहाँ कुल ७० हजार १ सय ९१ मत खसेको थियो।सुशासन, भ्रष्टाचार नियन्त्रण र समृद्धिको वाचा सहित चुनावी मैदानमा होमिएका गुरूङले जीतेपनि बुथ कब्जा काण्डका कारण उनको एजेण्डा भने मतगणना अघिनै हारेको छ।

स्याङ्जा क्षेत्र नं २ मा फराकिलो मतान्तर सहित सबै सिट काँग्रेसले जितेको छ।२ क बाट एमालेका उम्मेदवार मोहन रेग्मीलाई पराजित गर्दै भोजराज अर्याल निर्वाचित भएका छ्न् भने ख मा एमालेका डा. बुद्धिमान श्रेष्ठलाई पराजित गर्दै महेश भट्टराई निर्वाचित भएका छ्न्।यो मतपरिणाम संगै स्याङ्जामा दुइवटै संघीय निर्वाचन क्षेत्रमा नेपाली काँग्रेसले बाजि मारेको छ भने क्षेत्र १ का २ वटै प्रदेश सभा एमालेको पोल्टामा र २ का दुइवटै प्रदेश सभा काँग्रेसको पोल्टामा परेका छ्न्।