खोलाले बगाउँदा वृद्धको मृत्यु
असार २२, २०८१
खोलाले बगाउँदा स्याङ्जामा एक वृद्ध पुरुषको मृत्यु भएको छ । पुतलीबजार नगरपालिका विरेन्द्रनगर हुँदै बग्ने अरौँदीखोलाले बगाउँदा पुतलीबजार नगरपालिका -१ बस्ने ७४ वर्षीय तिल बहादुर भुजेलको मृत्यु भएको हो ।
शुक्रबार बिहान अरौँदीखोला तर्ने क्रममा वृद्धलाई खोलाले बगाउँदा घाइते भएको प्रहरी कार्यालयले जनाएको छ ।घाइते वृद्धलाई आफ्नै छोराले उद्घार गरेर स्याङ्जा अस्पताल लगेकोमा उपचारका क्रममा मृत्यु भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।
