जनस्वास्थ्यका लागि स्मार्ट अखबारद्वारा जनहितमा जारी
स्याङ्जाको वालिङमा आफन्तको चक्कु प्रहारबाट एक जना गम्भीर घाइते भएका छन्।आइतबार साँझ करिब साढे ६ बजेतिर वालिङ नगरपालिका वडा नं १० पण्डितथोक बस्ने २० वर्षीय भद्र बहादुर थापालाई निजकै सानी आमाको छोरा २० वर्षीय पुजन आलेले तरकारी काट्ने चक्कु प्रहार गरेका हुन्।बढी बोल्यो भनि विवाद भई चक्कुले हानेको प्रारम्भिक अनुसन्धानबाट खुलेको छ।
चक्कु प्रहारबाट थापाको टाउको,बायाँ हात र दाहिने हातमा गहिरो चोट लागेको छ। प्राथमिक उपचार केन्द्र वालिङमा उपचार हुन नसकेपछि पोखरा रिफर गरिएको प्रहरीले जनाएको छ। प्रहरीका अनुसार घाइतेको अवस्था मध्यम रहेको र बोल्न सक्ने अवस्थामा रहेको छ।
चक्कु प्रहार गर्ने पुजन आलेलाई नियन्त्रणमा लिई थप अनुसन्धान कार्य भई रहेको जिल्ला प्रहरी कार्यालय स्याङ्जाका प्रहरी प्रवक्ता प्रहरी निरीक्षक पावल सिंह लामाले जानकारी दिए।
पाठक, शुभेच्छुक र सरोकारवाला सबैमा हाम्रो अनुरोध :
