वर्षाका कारण गोठ भत्कदा ठूलो क्षती
असार २२, २०८१
अविरल वर्षाका कारण गोठ भत्कदा स्याङ्जाको भीरकोटमा ठूलो क्षती भएको छ। भीरकोट नगरपालिका वडा नं ९ साउन्दीमा चन्द्र बहादुर सिंजालीको २ तले गोठ भत्कदा सिंजाली दम्पती घाइते भएका हुन्। पशु चौपायालाई कुँडो दिन जाँदा ६७ वर्षीय चन्द्र बहादुर सिंजाली र उनकी श्रीमती ५८ वर्षीय ठकुकुमारी सिंजाली घाइते भएका हुन्। घाइते सिंजाली दम्पतिको प्राथमिक स्वास्थ्य केन्द्र वालिङमा उपचार भैरहेको प्रहरीले जनाएको छ।
शुक्रबार बिहान करिब ६ बजे भएको घटनामा परी एउटा भैसी र २ वटा बाख्रा मरेका छन् भने एउटा भैंसी घाईते भएको छ । घटनास्थलमा प्रहरी चौकी कालिकाकोट स्याङ्जाबाट प्रहरी खटिएको छ । घटनाका विषयमा थप अनुसन्धान भैरहेको जिल्ला प्रहरी कार्यालय स्याङ्जाका प्रवक्ता इन्द्र बहादुर रानाले जानकारी दिए।
