जीप दुर्घटनामा ४ जना घाइते
साउन १३, २०८१ 
स्मार्ट संवाददाता
स्मार्ट संवाददाता 
स्याङ्जाको भीरकोट नगरपालिकामा जिप दुर्घटना हुँदा ४ जना घाइते भएका छन्। वडा नं ४ दभुङ ठाटीबाट वालिङ्तर्फ जाँदै गरेको ध १ ज २६ नम्बरको जिप अनियन्त्रित भै सडकबाट करिब १० मिटर तल खस्दा ४ चालकसहित ४ जना यात्रु घाइते भएको जिल्ला प्रहरी कार्यालय स्याङ्जाका प्रहरी प्रवक्ता प्रहरी नायव उपरीक्षक इन्द्र बहादुर रानाले जानकारी दिनुभयो। सवारी दुर्घटना आइतबार बिहान करिब ११ बजे भएको थियो।
दुर्घटनामा परी सवारी चालक चित्र बहादुर राना, शोभा थापा, धन बहादुर राना, इन्द्र बहादुर थापा घाइते भएका थिए। घाइते भएका सबै वडा नं ४ का स्थानीय हुन्। चालक राना र शोभा थापालाई उपचारका लागि मणिपाल शिक्षण अस्पताल ,पोखरा पठाइएको छ भने अन्य २ जना वालिङ प्राथमिक केन्द्रमा सामान्य उपचार पश्चात् घर फर्केका छन्।
