वालिङमा लागूऔषध सहित २ जना पक्राउ
भदौ ०९, २०८१ 
स्मार्ट संवाददाता
स्मार्ट संवाददाता 
स्याङ्जाको वालिङमा अवैध लागूऔषध सहित २ जना पक्राउ परेका छन्। शुक्रबार बिहान वालिङ नगरपालिका वडा नं. ८ केदारनाथ मन्दिर स्थित सिद्धार्थ राजमार्गमा वडा प्रहरी कार्यालय वालिङबाट खटिएको प्रहरीले चेकजांँच गर्ने क्रममा बुटवलबाट पोखरातर्फ जाँदै गरेको लु.२ ख. ५८४ नम्बर बसमा सवार दुई व्यक्तिहरूलाई लागूऔषध सहित पक्राउ गरिएको जिल्ला प्रहरी कार्यालयका सूचना अधिकारी प्रहरी नायव उपरीक्षक इन्द्र बहादुर रानाले जानकारी दिनुभयो।
पक्राउ पर्नेहरूमा पोखरा महानगरपालिका निवासी ३४ वर्षीय सुवास गुरूङ र २२ वर्षीय दिनेश सिंह रहेका छन्। उनीहरूको साथबाट डाईजेपाम १९ एम्पुल ,फेनरागन २० एम्पुल, नोर्फिम २१ एम्पुल गरी जम्मा ६० एम्पुल अवैध लागूऔषध बरामद गरिएको प्रहरीले जनाएको छ। पक्राउ परेका व्यक्तिहरूको साथबाट अवैध लागूऔषध फेला परेकोले नियन्त्रणमा लिई लागुऔषध मुद्धा दर्ता गरी थप अनुसन्धान कार्य भई रहेको छ।
